又一傳媒偷懶例子

睇報章地產版或有關電視節目，總免不了報上一些最新二手盤成交個案，並附上原業主最初買價，似乎是賺是蝕一目了然。
有時見到某某業主十多年前買入單位，收完租或自己白住，更有一筆利潤落袋，真係幾鬼羨慕，通常此時豪嫂便會一巴打過來謂：車，用筆錢來買匯控 (0005) 咪重富貴！
真係畀佢一言驚醒，唔係話即刻走去買匯控，而係心中立即有個疑問：何解從來唔見各大小傳媒，同時報上該期間其他類型資產之增長幅度，或者起碼列出累積通脹率，好讓大家明白該件「貨」係真正賺到理想利潤，還是根本屬表面富貴？
照計跑慣經濟者唔會無此觸覺，簡單如選股貼士，都會話跑贏恆指幾多巴仙以示有料。
真正答案可一字敝之：懶！