就快會有一隻新股洛陽欒(音聯)川鉬業在港掛牌，由大摩加瑞銀牽頭，計畫融資約六億美元。唔係因為洛陽欒川，嘉豪都唔知世上有種金屬叫鉬(MO: Molybdenum)，速速網上搵料，找到一間加拿大證交所創業版掛牌上市公司Adanac (AUA: TSX.V) ，據一個財經網站股鰲介紹，Adanac在卑詩省專門從事鉬礦勘探與開發業務。至於欲找詳細資料，國內還有一個收費網站鉬網站，有心發掘清楚便勿惜腰間錢。
由於鉬價於近三年之間，由每磅US$4狂升至一度達US$40，縱使近期回落至US$26水平，依然屬惹人憧憬的貴金屬投資。
中國礦業(340) 早幾日停牌，有單非常重大收購公布，聽講又係同鉬礦有關，此股復牌後隨時可飲頭啖湯，先當影子股炒作。至於實際點秤，當然係要睇過遲下公布內容，方有機會摸到大概。
記得超大現代 (852) 主席郭浩當日入股後接受《經濟》訪問，預測兩年後可見$20，大家信唔信？
文章
2 則留言:
嘉豪兄,
我係自從超大現代入股340 先開始留意佢, 而且每日成交量都唔細, 唔似普通細價股, 不過因為上年年尾主要買熱門股為主, 所以都無買過, 今次用18億買入哈爾濱松江集團, 你點睇呀? 我係初哥, 唔係好識睇呢d股!
你有留意超大, 唔知有無留意另一隻同農業有關股 (有機肥料) 世紀陽光8276呢?
呢隻野都係自己無胆玩, 拆細股價之後見佢長升都苦無機會入, 配股果陣都唔係好跌, 近排大插巿終於見佢落到1.7, 有啲心郁郁.....
財華香港 2007-03-12
中國礦業(0340-HK)擬斥18億人民幣購稀有金屬業務
中國礦業公布，擬收購一家主要開採稀有金屬鉬的哈爾濱松江集團，總代價約18億元(人民幣,下同)。中國礦業今次擬收購松江集團75.08%權益，松江主要從事鉬、銅及鋅的開採及提煉，其中鉬佔生產及盈利的大部分。
若松江集團去年度除稅後利潤少於2.8億元，收購作價將向下調整；按此基準及收購權益計，今次收購交易的2006年市盈率約8.56倍。值得留意的是，集團現計劃以銀行貸款，及/或配售新股為今次收購集資，且不會以集團內部資金撥付。
嘉豪僅初步看過收購公布，可注意地方有：
一．有關業務已經在提供盈利，而且作價P/E僅屬單位數，遲下洛陽鉬業掛牌，估值應不止此；
二．大摩負責財務安排，彼亦洛陽鉬業承銷商之一，必熟悉有關行業現時情況，肯沾手外間視為"不明物體"的中國礦業，事前查察工作必然做到足；
三．未決定用何種方式籌集資金，即代表對現股價並未滿意，否則乾脆配股便是，反正大股東持股不足兩成，焉會怕攤薄本身權益？
復牌首天市場趁好消息出貨，壓至不足$2.20收市，其實給未上車者提供了低吸機會，勿忘記至今中國礦業尚未有轉型後業績可稽，大部分街外人一直當純消息股炒，賺兩三成轉手給下家者比比皆是，至於最初以$0.41承配新股者，包括超大(852)，其實尚不過是四倍利潤，對機構投資者來講，肯定未夠喉。
最後要作利益申報，嘉豪手中持有不少中國礦業股票，而且係自一蚊樓下增持至近日價位，我的看法很可能會偏向樂觀。
至於兄所提其他股票，我一概未留意過，無能力給予任何意見。
發佈留言