用「圓」即棄

環球股市震盪一周，日圓利差交易被普遍認同屬元凶之一，確實此期間 Yen 匯價由 121反彈至 115，各地股市即同步下瀉，到喘定後退回 116 中位，股市便出現反彈，兩者走勢明顯背馳。
CNN Money 早日有段分析，認為假如是 unwind 行動，應該不會如此短時間結束。究竟這僅屬賊佬試沙煲，抑或短期調整行動，將來自有分曉。
嘉豪睇法則 carry trade unwinding 絕對唔係禍端，時間上這次升市係源自逾半年前世界盃結束之後，回顧當時 Yen約在 112水平，大概便是成本價，再加上資產價格增值幅度，就算匯價回升 4%，根本唔會真正令對沖基金入肉。所以我覺得這是雞與雞旦，實際上是投資者對未來經濟情況出現戒心，大幅套現保衛利潤，然後折回日圓還債，致推高其匯價。
若嘉豪想法正確，今年投資市場便不妙，就算未至於出現股災，也起碼有一大段震盪日子要捱。假使不想沽售手中好股，或可以考慮買入日圓期權對沖風險，到時股跌 Yen 升，當可減低不少損失。

後補：最新探討日圓利差交易文章