秤秤意馬(585)與高陽(818)

兩者年來股價升逾十倍，其實皆靠概念支持。先說意馬，市值一度逾六十億，這條數嘉豪唔識計，縱使下月底忍者龜滿堂紅賣兩億美金票房，十六億港紙拆落袋頂多一兩億(勿忘記已賣片保本)，加埋電腦遊戲玩具分帳，當佢有三億純利落袋，減除公司運作成本開支，隨時係二十多倍P/E。
用迪士尼買Pixar計，五十倍P/E都唔算高，問題係意馬能夠複製多少忍者龜(還要假設成功計)？之前話有套挑戰者先上，但好似無左下文，至於神勇飛鷹俠與小飛俠，對國際市場係咪有吸引力，我唔知。
高陽有電子支付業務，又有3G支付，際此國內消費增長階段，其實係必buy概念，但一再集資兼有猛人郭鶴年入股下，竟然走去買入大股東物業，後更收購電能表業務，大花筒兼無厘頭，如此管理及決策方針，投資者用腳投票也合理不過。