地下北水

港股升到無回頭，反觀深滬自去周開始，突然進入呆滯狀態，情況像極五月份境況。

是日升勢尤其凌厲，成交千四億不特止，恆期同國期交投量，更急增至各逾十萬張(按：翌月期指僅增加數千張，反映不僅屬轉倉活動引起)，睇牌頭，等唔切直通車，「地下北水」已經率先衝關，短期內在港市興波作浪之餘，兼具暫避內地政策鋒頭功效，正是一舉兩得。

另一項支持嘉豪證據，就係「恆/國指比率」已告擺脫近三周橫行局面，最新報161.8%，其實若非恆指有港交所(388)撐住，被國指拋離幅度必然更加擴闊矣。

係咪博呢轉升浪，絕對要視乎閣下承受風險能力，不過可以預言，一旦深滬市況回復興旺，「地下北水」掉頭回歸時，港股難免將出現一次較深調整，屆時能否及時跳車，你諗你！