綑縛式銷售

心思思想買部PDA做流動股票平台，最初睇中Dopod水貨軟庫，但見到諾記部N95功能強勁，左諗右諗，反正唔係用來寫稿發mail，個qwerty鍵盤使用率有限，又發現P記package幾吸引，終於決定投向後者懷抱。
Package如下：簽一年半$198服務合約，實際交12個月台費，兼送埋全期Wi-Fi，成條大數本來係$5,328，如今僅需$2,376埋單，平均每月$132，慳左足足55%，仲加送個Now節目組合，係咪好化算？其實上述正係綑縛式銷售之結果，可見只要市場夠open，縱使存在綑縛式銷售，消費者依然可以得益。
反而想不到是市面上提供PDA或手機股票交易之證券商，原來寥寥可數，較大規模者更僅得道記一家，欲以之為交易渠道者如嘉豪便別無他選，尚幸自動平台交易佣金定在0.15%，算是取價公道。