3G/Wi-Fi

新近換上一部可以隨處Wi-Fi兼收睇Now頻道之N95手機，再者做了Jooster，嘉豪頓時變身大忙人，每有閒暇都與網絡為伴，簡直可以講句去到邊log到邊。
小弟已經唔係十八廿二，尚且抵擋不住這股log潮，對於年青伙子來說，頂多過多一兩年，當全城Wi-Fi兼上網手機價錢更大眾化之後，幾可肯定屆時必人手一log，這個平台的潛在商機，看來遲早真正顯現。
和黃(13)連年受3G拖累業績，如今總算完成前期投資，應該快踏進收成期，新近李超人突然入股Joost，睇落遲早會把兩者拉攏一起，以3G手機睇網視節目，實行與小小超PCCW加NOW組合分庭抗禮。
嘉豪算係用家身分，以手機睇節目，暫時以新聞為主，感覺上質素絕對拍得住電視，差別當然係個「芒」細好多，同埋會相當「扯」電，不過呢樣既然係貪方便選擇，用家應會諒解，何況科技o既o野，三扒兩撥可以發展得好神速，上述問題總會找到解決方法。
至於最終和黃係咪能夠跑出，抑或有其他更具潛力對手，甚至應該考慮吸納國內網絡商，嘉豪未有時間坐低細味，所以暫時僅得概念一度，要留待不日方作深入分析。
順帶補多幾句，約一年嘉豪早預計內容供應商必受惠發展迅速之網絡電視，甚至曾經於$2左右燒過勤+緣(2366)冷灶，最衰當時唔懂得耐性持有，結果到本月初即瘋狂發力，另觀近期唔少電影電視股股價也在冒升，都可視為同系列炒作概念。

補記：5月25日，立法會財委會批准撥款，政府場地將會有免費Wi-Fi提供，正！