無限風光？

之前講過，當大家渣定銀紙等回吐吸貨，市場就未必會給你這個機會，這幾天恆指便三兩個箭步抽高，終於闖上二萬一新高，是調掉回落，抑或破頂再升，應該對短期後市十分關鍵。
嘉豪唔懂技術分析，但觀附上三年週線圖，亦睇得出這次從3月5日「777」起步的升勢，時間短而力度強，只要能企穩突破，短期後市走勢隨時相當凌厲，所謂無限風光在險峰，順勢上車搭一轉，搵餐晏仔問題唔大。可惜我手中兩大持股已佔去九成以上資金，縱使睇好後市，亦僅能「指揮」MPF作吸納。
講返勞氏環保(309)同中國礦業(340)，後者係我長線投資，並無預設目標價，但前者醫療廢料項目則有數得計，當作預期每個「點」平均一年利潤$5M，當佢三年後設立到50個「點」，屆時合營公司每年盈利可達$250M，按停牌後最新分配勞氏佔合營公司65%，所得將為$162.5M，20倍P/E計市值32.5億，而「本業」清潔公程項目實際僅值約一億，以其現發行量362M股計，每股可值$9。由於上述係三年後的事，而且必須中途執行得順風順水，故若現價能夠企上$7，我覺得已經足以反映其內含價值與前景，屆時大可落車收割矣。