鬼盤結算

期指結算前，套用賭波朋友術語，本周大市走勢有Ｄ鬼鬼地，周二、三首先做低轉倉(恆指未平倉合約上升二萬多張)，然後到周四大舉買現貨，迫使指數挑戰19,800殺低淡友，一掃月初頹風。
四月份大市走勢將如何？普遍看法係波動中稍偏軟機會較大。嘉豪無預知能力，但覺得縱使錯過意料之外的升幅，損失也應該很有限度，所以是日已經趁市況造高，安排MPF全軍而退，把餘下「中威」基金徹底清貨，轉持等同現金之利息基金，期望會回落至19,000左右，讓我重新分段吸納；至於兩大「師兄」皇牌，早納入了我的中長線組合，唔使講梗係繼續堅守陣地矣！
補多半句，近兩周AUD/JPY交叉盤炒到「飛」起，由90升到穿越95，可見套利交易絕對唔止在股市興波作浪，一旦大戶夠皮拆起倉來，隨時產生骨牌效應，所以有關動態同樣值得吼緊。
周六先跑香港、杜拜，周日則到澳港盃，為迎接連串秩序忙得團團轉，難以騰出寫blog時間，惟有待下周才與各位多作分享補數。