楊州炒飯 (Star Bucks版)

CNN Money 有段埃塞俄比亞知識產權局，欲註冊當地出產之 Shirkina Sun-Dried Sidamo 咖啡豆，致與其中主要買家 Star Bucks 爭持不下的報道，事件令嘉豪想起數年前，國內要專利註冊楊州炒飯名稱，以至要規定配料分量之搞笑行動。
大家不時都有機會食餐星州炒米，瑞士雞翼，或者整杯藍山咖啡，其實呢類用國家或地方名稱命名之食品，確未必與原產地有直接關係。不過又非絕對唔可以用產地作專利註冊，拔蘭地就一定要法國干邑區出產才叫得做干邑，可見一定有得拗，而首先得益者當然係代表控辯雙方之律師團。
睇番段報道，Star Bucks 賣 US$26 一包之咖啡豆，農民實際落袋僅得 US $1，大家自不然會覺得係奸商剝削勞工之另一版本，不過呢樣野其實世界各地每日都在發生，好似嘉豪識個內地做針織廠之朋友，佢地一件狗仔毛衫 FOB出廠價 US$1.50，但包裝袋列明賣 US$19.95，仲係於最平價之 Pet-Mart售賣，可見根本唔能夠用 Retail Price作比較；正如成皮幾野買套Ferre西裝，你估布料手工使唔使一千銀？