經典勞博士

嘉豪曾側側膊透露過，勞氏環保(309)係我手中兩大持股之一，望住呢隻加入醫療廢料項目後，幾個月間股價急升之筍貨，當然喜上心頭。
聯交所新鮮熱辣出公告，透露主席勞國康博士剛於去周五 ( 2日 ) 從市場增持三十萬股，而且平均價 $2.38，比諸公司於去年 11 月 8 日配發新股時 $0.61 股價，高了足足290% ，夠怪誕耶？
才僅三個月多一點，勞氏環保股價升了四倍，當日平價配股，轉頭大股東卻親自掏腰包從市場收貨，又不選擇行使手中廉價的配股權 ( 按: 6M@ $0.55 ) ，如此鏡頭，可說十年難得一見。
其實在賽馬世界中，也會出現上述鏡頭，如好多人認識之新西蘭名種 Zabeel，最初係在劍橋牧場繁殖，售出後見其戰績彪炳，便以高價由馬主手中購回用作種馬，結果未有負 Hogan 爵士所託，承接了 Sir Tristram 成為牧場招牌。
側聞有關項目進展甚速，廠房已經在加緊趕建中，唔使幾耐便可以安排「芬界」實地考察。大股東此時何以肯高價吸番轉頭，大家自己諗諗！

補記：聯交所又出另一則新公告，勞博士繼續吸進了二十萬股，隨後數天股價即大幅扳升，正是蘇州過後無艇搭，拿捏時間之準確，當令人嘆為觀止。