樓市遲早郁

股市高位反覆，究竟係調整完再上路，抑或暫時係咁先，無人能夠拍心口睇得通，不過睇坊間財經分析，普遍情緒依然幾樂觀。
睇落今年樓市應會蠢動，人民幣升值引發通帳，銀行水浸又令利率低企，加埋預期今年打工仔會有唔錯加薪幅度，樓市淡靜了一年多，好有可能出現小陽春。
我卻無打算吼地產股，反而覺得美聯(1200)可以趁勢升番浸，畢竟做代理轉身較快，市升時三兩下手勢便可擴充營業，自勝過地產商起樓要逐層逐層疊高。事實上元旦復市以來，此股已經從四元左右密集支持位反彈逾 10%，除了美聯本身出手回購股份以外，明顯有買家在積極收集中。
已經花了好幾小時整理好近五年財務資料，初步斷症確認有可博之道，現價 15 倍 P/E 雖不算便宜，但有不斷擴大之國內及澳門代理業務幫補，要保持雙位數字盈利增長非難事，嘉豪這幾天會趁較空閒時更深入研究，以確定現價追貨還是多等一會。