濠江多吉房望阿爺打救

嘉豪有位世伯任職某大濠賭集團，飯局中談到彼埠戰況，可資一談。
人所共知各大集團賭場雖然相繼落成，但真正旗艦其實係「乙水」仔各大型賭村，威尼斯人將年內率先啟業，然後 MGM 等亦會加鞭趕上，屆時澳門賭桌數目以倍數增加，才算進入淘汰賽關鍵時刻。
據世伯告知，現時初賽階段，已經面對一個棘手問題，就係各大酒店入住率偏低，事關國內同胞仍未捨得付出一千大洋入住高檔酒店，他們一就揀選三四百元普通酒店落腳，再退一步則寧願折返拱北過夜，待第朝醒來又再過境搏殺。
消費習慣呢樣野，確非一時三刻能夠改善，尤其國內二線城市較像樣單位，月租也不過二三千，要他們付等同於半個月房租過一晚，豈不等於食左佢地隻車？
世伯歎謂，最佳解決上述問題方法，係靠「阿爺」出手，讓國內企業多赴濠江，以之作為大型展覽及會議重點城市，則屆時人人使「阿公」錢散心，自然多多銀房租都畀得起也！