卓施金網(8063)

港股累跌了大半年後，市場上出現了不少便宜貨，但論到「抵買」程度，比得上卓施金網(8063, 另因合股以8393交易)的並不多。

這隻曾經停牌三年，由附屬德祥之金懋收購改組，恢復交易已經15個月的「筍」股，除了復牌初期曾短炒過一會後，便隨細價股股災不斷下插。期間曾經配售新股，後又供股集資，從不久前發出之2008上半年業績報告所見，公司持有現金多達3億3千多萬，另加約5千萬流動資產，負債則近乎零。

卓施金網僅得一項業務，為經營貴金屬買賣，半年營業額400餘萬，「貢獻」溢利數萬大元，賺唔賺錢其次，最重要係無乜點蝕，不大似會影響及其流動資產價值。

條數好易計，當佢檔生意一個仙都唔值，流動資產近4億，一隻乾淨殼點都值1億，咁即係5億喇！但係望番是日(28/8)股價，經過市場某些人不斷向下派貨後，現時成間公司總市值僅6千多萬，換言之係其可計算價值的8分1，甚至低過一隻殼股價。

千祈唔好當小弟向大家提議撈底，蓋邊處屬「底」外人難估，大家唔見隻乜乜旅遊......