好？淡？

恆指由前天28,000點起步，三兩下手勢跌至昨天中午27,000，然後僅用了個餘小時，又重回到之前曾爭持一番的27,800收市，眨下眼便來回接近2,000點，大波動小變幅格局依舊未變。

大市波動本為正常事，但港股近期波幅之大、速度之快，卻實在非外圍甚至國內市場可比，尤其最獨特者，是每出現單邊走向時，無論是造淡、造好，另一方都似乎完全無力抗衡，往往僅於一個半個鐘頭之內，便告完成大部分波幅。

嘉豪逐漸開始懷疑，市場中究竟還是否有好、淡兩方大戶陣營，抑或根本已經同撈同煲，有默契地各領一輪風騷。須知道，把EQ低的散戶當人球左搓右搓、震入震出事小，若能擒低財大氣粗、重手買賣的內地「超級散戶」，呢條數方真正和味。

唔好當上述想法係小弟憑空猜，事關有熱炒期指的老友告知，國內同胞玩港期指，閒閒地以「百」張做單位，單日上落一千幾百「個」好閒事，實在若拿來與挾巨款南下濠江搏殺者，像那位騙存款18億佛山郵政局長比較，數目真係濕濕碎，咁班大鱷唔殺低呢類「超級散戶」殺邊個？