美聯(1200)有排去

唔覺唔覺，澳紙就快升到兌美元一算，歐幣更加唔使多講，港元同美金掛鉤，匯率被拖弱影響如何，問下子女在海外升學之家長，自然一清二楚。

猶記得年初嘉豪在此推蔗買美聯(1200)，當時股價未夠五蚊，如今已告翻了一翻，若再問我後向會如何，答案是高處未算高。我主要係覺得處此經濟強、紙水弱、利率低環境，幾乎必然利好樓市，尤其傳統豪宅同甲級商廈數量有限，投資焦點清晰無比，做代理從中抽佣，自不然水漲船高。

何解嘉豪睇得咁好？主要係從海外及國內投資者立場出發，唔睇樓價，只睇匯率。你話豪宅二萬蚊一尺嚇人，鬼佬話只係三千銀澳紙，又或者千零蚊歐羅，同早兩年差唔多之嘛，此刻入市，將來隨時樓匯齊升，怎不吸引？甚至係國內同胞，由於人仔不斷升值，佢地眼中香港樓價都係十分相宜，話晒係身分象徵，買番層南區豪宅甚至山頂House，使三兩億在你班港燦面前威水下，好閒事耳！