衝尾浪

趁大市周三開始調整，一口氣為ＭＰＦ股票基金吸了三日貨，持現金比例從九成下降至五成半。

調動ＭＰＦ買股，好處是假如不幸摸了頂，大可以同佢鬥長命，蓋等到六十五歲至能夠cash out，應該乜野熊市都可以守到家鄉，頂多係「有買貴、冇買錯」，而且反正屬「已出之物」，唔係從荷包拎出來，帳面蝕起上來點都冇咁肉刺。

另一個優點，係ＭＰＦ永遠係逐日計，嘉豪通常會睇到三點九至做買賣決定，屆時觀罷大半日市況，點都會冷靜多少，加埋尾市盤路周不時對後市方向帶點啟示，絕對有助進行分析。

今次吸貨已經學精了，把注碼分持中華威力與宏利港股基金，應不會跑輸給指數，至於何時落車，小弟卻未定下任何確切目標，反正這大半年乘著旺市，ＭＰＦ戶口已經增長了接近兩成，而這次升浪(若有的話)隨時屬「最後衝刺」，所以打算一於同佢坐到尾為止，直至指數從最高位調整達10%，方作鳴金收兵。

最後提醒大家一句，取捨ＭＰＦ基金，若非港、美元區，記緊要考慮匯率因素，蓋縱如日股創出多年新高，在幣值弱勢之下，其實還是會得不償失；事實上年內表現最差基金，前列位置便全皆與日本相關。