韋達空出來的半杯水

相信大家都聽過一個比喻，放半杯水在面前，唔同人會有唔同角度；積極者會睇到杯中有水之一半，消極者則相反。
嘉豪唔係準備講人生道理，而係想講下香港冠軍騎師韋達。
公平Ｄ講，韋達係一個好騎師，座騎七成以上發揮出應有水準，其餘有一至兩成騎錯，剩番一至兩成唔知騎乜。總之整體來講，馬迷應該收貨了。
我不大喜歡投注韋達，主要原因是自己鐘意博有分頭之馬，所以少之又少捧其座騎場，反而較多被他作梗。不過公還公、私還私，出貼士時仍會不時貼他的實力馬，頂多覺得其胯下熱門機會高時，便純睇跑馬等過場。
接觸的馬主大都對韋達推崇備至，私下交談問嘉豪意見時，我總會說：你們只看到盛滿的半杯水，卻看不到空了的半個杯。
此話何解？算韋達一季贏逾百場頭馬，但不要忘記，韋達一季騎六百多場，其中熱門佔四百匹以上，換言之，在他胯下跑位置甚至輸掉的熱門，數量起碼三百匹。換了其他大部分騎師，若有韋達般所獲大力支持，我看不到任何他會當不上冠軍的原因，則何解還要把他奉若神明，爭相邀請助陣呢？