國際賽忙完一輪，周日錄完賽後節目，終於可以鬆一口氣，半夜三間摸到君悅，與海外馬圈老友聚一聚舊，剛巧靳能坐隔鄰台，禮貌上替他失落香港瓶說兩句不值，金毛獅王照例冷眼一望，連我老友也忍不住說句：Why is he always so sour?
正係馬圈行走咁耐，乜人未見過？周一倒塔咁早便接到某練馬師太座來電，質問嘉豪何以節目中批評其老公馬匹。呢類激情反應，一個月頭總遇到兩三單，不過我份人勝在無貪人著數，講說話自然理直氣壯，亦唔需要討邊個歡心，結果同阿乜太你來我往，嗡左足足半粒鐘，約會周公時間慘被剝削。
所謂食得咸魚抵得渴，做得呢份職業，其實都預左要畀人指指點點架喇，邊有可能全世界認同你架？就好似我地咁，即使你賽前幾努力研究，又或者賽後點樣認真檢討，說話講出來都會有人唔認同，甚至媽媽聲鬧你無料到喇。關公都有對頭人，只要自己問心無愧，又使乜理人把口講乜？
去周做個國際賽特輯，發現有兩三個馬迷真係幾 Pro，對賽馬認識不下於我等講馬佬，不過呢個世界，興趣同職業有時唔能夠相題並論，到你要靠呢行開飯時，日日堆埋大批工作要完成，工餘就未必想再沾手馬事矣！
文章
3 則留言:
to 嘉豪:
無謂為左一 d 以為老公有個錢就自以為是既女人動氣, 呢類人遲早有報應, 見得太多; 另有馬版版友向馬會提議取消 vase, 因香港長途馬甚少... 云云, 你意下如何?
嘻嘻，我份人咁樂觀，點會因此動氣？更何況馬圈中不時會遇上這類”巴閉”之人，已經免疫好耐了。
至於香港瓶，應家柏賽後都公開講，唔希望主隊一面倒威晒，否則人地Ｄ好馬以後唔會有興趣東來，所以點都唔會取消咯；而且馬會慳番筆獎金，又唔會用來請你同我食飯，使乜同佢肉刺？
"興趣同職業有時唔能夠相題並論"
This is exactly why I seldom read/respond to your financial analyses at home. :P
Since the the pressence of the Hong Kong Vase is obviously for the "international exposure" anyway...... why not make it 3000m? The winners this year are 3000m horses anyway. :P
發佈留言