姓賴一族人間蒸發

今季投注額愈來愈勁，口痕友話新主席加老「應」腳頭好，按理兩位都唔係剛入馬會，莫非係要坐正時腳頭至有效力？
講到底，最主要功臣當然係「回扣」。其實馬場也有20/80法則，由20% 大戶負擔起80% 投注額，輸了有一成回水，對呢批十萬八萬上落者真係幾有效，買大D贏多D，輸左收番「回扣」夾疊又推大D，滾雪球效應就此顯現。
係咪成功打擊外圍莊家無人知，但近期尾兩場次次過億，好肯定係連外圍老也幫襯埋一份，事關當跑到第五、六場殺夠左皮，畀你做莊都寧願轉晒D風險落馬會，好過由賺變蝕得個吉喇。
投注額低迷時候，姓賴行家都走出來指手畫腳，話監察唔嚴影響馬迷意慾。事實又係咪咁呢？我並唔覺得今時競賽小組同去季有乜唔同，而且昔日上海幫做馬案年代，投注額都係連年上升，咁以前咪監察得好嚴？依家班賴氏一族突然收晒口咯，乜野叫做看風駛里你識唔識？