股東會

咁大個仔都未出席過股東會，不過呢個周三打算處女下海，去創富生物科技 (340) 個棚野超超，呢隻野今早又再發力，路邊社話仲有排去，嘉豪一於當儲老本，得閒又吸多少，所以更加要到場聽下報告矣。

後記：股東會場面竟然都幾熱鬧，似乎對呢隻變身股有寄望者唔少，本來過程平平淡淡，但臨尾超大 (0682) 主席郭浩自告奮勇以投資大好友身份發言，講到話佢估計此股三年後值 $20至 $100，雖然係幾誇張，不過即刻令全場人醒晒。郭先生演說中氣十足，加埋有股懾人氣勢，呢份魅力唔係咁容易學，誠猛人也！