買輪

嘉豪上周講過買入了一隻和黃(13)認購輪，估計應有三、四成利潤，結果遭遇與數月前買領匯(823)認購輪相若，都是正股價升至心目中食胡位時，輪價卻大縮水。

完全明白蝕本生意無人做之理，但和黃這幾天波動範圍甚窄，看不出任何原因令莊家難於開價，是日早上正股升至我的目標價$79，原擬立即沽售套利，才發現莊家開出了相差近5%的差價，雖則有其他比莊家掛出更高價的買盤，但計落較合理價低了達10%，惟有吞啖口水再等下去，結果到午後和黃倒跌收場，令我又一次讓機會白白流掉。

嘉豪並非輪場常客，唔係預期有相當贏面，都唔會幫襯一次，可惜這類兩三個月才一次的偶遇，總是令我對輪商失望收場，反而牛熊證開價則相對「均真」，看來將來若再萌生以小博大之心，還是簡簡單單選後者下注為上。