置諸死地

周三晚美市出現較像樣回升，為急跌後的港股帶來一個裂口反彈機會，但正如嘉豪對上一篇所言，這是減磅套現的大好機會，結果未到中午，指數在國指先軟下，滑落至另一個新低點；其中恆指22,114，與五十天線21,874相距僅240點或1.1%而已。

淡友上半場盡領風騷，下半日市卻輪到好友發力，三點前指數急速回升，最後這天恆指上下波幅622點、國指更達642點，明顯反映好淡兩方陣營俱在努力部署中。

睇埋期指更加清楚不過，恆期未平倉合約再升9.69%至138,923長，成交9萬2千多張，國期未平倉升10.19%至97,517張，成交5萬8千多張。上述倉位數量，足足是正常月初的一倍，可見唔係講玩。

短線來講，港股波動難免，不過又毌須悲觀，尤其是日之跌，特別令嘉豪覺得可喜，蓋愈快向下尋找支持，愈能夠摸清楚市場是否夠承接力，正所謂置諸死地而後生也！反之若見陰陰濕濕進兩步退三步格局，其實更讓人提心吊膽。

日圓見慢慢走上119，似乎距幸福日子又再近一步！