好友硬淨

期指結算在即，遇上美股跌舖勁，加埋早市日圓抽穿120，睇怕是日港股都難免四腳朝天，但係最後埋單損失有限，仲締出成千億成交，可見好友大戶手瓜幾硬淨。

是日期指轉倉活動開始，八月份恆期增添了接近一萬張，拿上月25日成交紀錄比較，大戶積極程度猶有過之。從各種跡象來看，結算前雖然必較波動，但市底偏強依然是主調，除非外圍持續急瀉，否則絕非造淡時機。

日東科技(365)周四公布全年業績，上半日股價驟升，到下半日打回原形，睇好睇淡各有捧場人，唔知葫蘆賣乜野藥，假使揭盅出盤靚數，此番有望見$0.55二月高位，曾成功低位撈貨者，勿忘及實「披露易」。