尚記得亞洲金融風暴吧，卻是否記得，那時你曾到那處旅行購物？
這幾天嘉豪狂追一套電視連續劇《天空之城》(Air City)，故事背景為仁川機場，主角是李政宰、崔智友。讀到這裡，不用說也知道是套韓劇了，但沒看過的話，你不會想像得到，昔日一味口水鼻涕老土倫理內容的韓劇，可以拍得如斯節奏明快劇力萬鈞，水準甚至絕不遜於向來製作認真的日劇。
回說十年前金融風暴，記得當時寰匯急跌，南韓經濟墜落谷底，香港即掀起一股韓遊之風，斯時價廉物美程度，甚至於僅次於羅湖商業城這片師奶購物聖地。誰會料得到僅數年光景，韓國經濟不單火速反彈翻完再翻，更從日本手中接力，帶領起大中華潮流；電子產品、汽車固然打出海外市場，就連影星、歌星，亦吸引到大量年輕粉絲。
問番我們老家香港，這十年間除了伸手問阿爺接濟，自己還生產過甚麼成就出來？這一代人老本夠厚，尚且有資格豐衣足食，但長此下去，將來接班人的前景，實在令人擔憂。
文章
4 則留言:
Tim兄,
第一次留言,敬請賜教.
本人及朋友們均持有不少340,理由與tim兄的差不多,奈何街貨偏多.....
現在340反覆下跌至此價位, 若不跌穿1.63, 可否增持?又或大市位高勢危, 保本為上?
大家坐埋同一條船，但我都唔知應該點答你。小弟最初買此股時係0.55左右，後來未夠一蚊走了大部分，其後1.7買過，1.4左右(上年11月)又買，今年三月初2.1再買，總之平均成本係1.7左右，換言之，如今係和果。
當然幾多錢成本唔係關鍵，最緊要係有無前景。應該咁樣講，你相信佢有一天成為全中國供應鈦金屬龍頭的話，唔好話1.6x，就算5蚊都一定要買，問題係你可以睇得幾長。
擺在眼前的優點係:
1.鈦金屬好值錢，而且會愈來愈值錢，因為係高科技製品重要原料。
2.收購了松江管理團隊，絕對比左請一隊人，右請一隊人為佳，也證明企業係有部署轉型；你可以睇下其他轉型礦業股票，有無好似340咁速速組織好一隊team?
3.現價比高位2.4x回吐了三成，早把散戶震走了七七八八，近幾日雖然股價下跌，但係有唔少半球以上大手買盤，貨源愈來愈多落在強者手中。
當然唔係一面倒利好，也有如下憂慮：
1.金紅石礦幾時能夠正式動工開採，探明蘊含量如何，相隔了接近一年，完全未見進一步對外透露。
2.當佢下年起動工，都要等O九年公布業績至有實質數字睇，距今足足兩年光景，假使期間熊市已經出現，縱使340前景一片光明，市面上也會有大量其他抵買之股票供選擇，一個唔覺意要等佢三五年至見真章，到時值十蚊你都未必捱得咁耐。
真係要答，只能夠講我自己的策略。由於340約佔我現持倉值的三分一，見低都唔會再加注了，反而若反彈至2.3樓上，更會賣番多少嘗試走位。至於止蝕，則不在我考慮之列，蓋一早買入時，已經預期要作長線等待。
嘩!多謝tim兄非常詳盡資料, 不過我買此股時只當金紅石礦係配菜, 我以為基金若考慮埋佢, 股價起碼double....
聽tim兄一度話後, 我會好安心坐住隻船去中途站($2.3x)
祝 好運 健康
我買股票唔一定賺，但起碼隻隻摸清楚晒來龍去脈，340賺唔到，但309有幾個開利潤，加埋有件升降機365守門口，總算執到多少。
至於本 blog 內所談論其餘堪留意股票，由開業作高陽科技，以至高寶綠色，美聯物業，筆克遠東等等，件件升幅理想，可見吹水還吹水，都唔係一味亂來。
發佈留言