可加可減

無記錯的話，最早出現「可加可減」呢個名詞，應該係由廖秀冬之公共交通票價機制開始，後來電影戲票又話「可加可減」，公屋租金又話「可加可減」，逐漸演變成一個各界樂用的Term。

中華文化源遠流長，縱使係近乎全無學術水平之小弟，都諗唔到點解，可以創造出一個咁「騎呢」的名詞。譬如用靈活增減、靈活升降、公平浮動，甚至係靈活加減機制，無論手寫口讀，都唔見得會失卻「可加可減」原義，但肯定較目前公整斯文得多。

唔好怪嘉豪挑剔，事關香港人凡事都一窩風，話唔定有一天各行各業積極抄襲口號，屆時企業老闆又話薪酬「可加可減」、領匯街市賣條魚亦「可加可減」，連桑拿浴夜總會收費都「可加可減」一番，則咪話唔眼冤。