Forum殺人事件

Forum同blog內容，真係會構成投資建議？
發出警剔者，好強調網上世界十居其九唔需要用「真身」發表，亦難攪清楚散播消息者有否利益衝突，接收訊息者應該小心提防，但係就算財經演員領正晒牌，兼且申報埋有關利益，都唔代表唔會令投資者損手，甚至應該講句，後者所造成破壞力，其實遠遠超過網上隱身人。
嘉豪身處貼士滿天飛之馬圈逾二十年，經常接觸唔少騎練、馬主，甚至認識個別「幫人」落注者，卻從來唔見得佢地有十拿九穩貼士，所以早養成賽前唔同圈中人講馬習慣，費事畀人誤導傷及荷包。
進行投資買賣，從來都講求獨立思考能力，就算係上市公司主席捉住手叫放心入貨，都唔代表係包賺無蝕建議，事實上嘉豪認識唔少呢類企業主事人，卻從來未遇過明言睇淡旗下公司股價者，更聽聞不少圈中人捧馬主場買股票損手個案。可見問題根本不在消息從何處散播，而係接收者有否過濾思考，認真為自己荷包把好關。