炒馬有得諗？

周二賽事澳洲賭到快活谷，度馬度到頭暈眼花，寫番段 Blog 當小休。
香港地，乜都可以炒一餐，其中四隻腳一條尾之尊貴純種馬，也由於 JC 設下種種配額同限制，亦引來唔少人大炒一番，或者起碼擔當個中中中中間人 (即係一個傳一個，傳了 n 次後才由賣家到買家手)，每人乘機打個手指模揩多少油水。
其實買馬同買玉器差不多，從來無公平價格，就算在拍賣會公開競投，代理亦可以先行與賣家議價，然後以更高價錢競投，中間差額便袋袋平安，就算無這類中間落格安排，賣家亦會安排自己人沿途托價，盡量製造熱鬧氣氛以吸引買家。
去周末上場件新西蘭ＰＰ「牛精財星」，嘉豪有朋友睇過，但係好幾十「個」紐紙加埋獸醫唔係 Fully Satisfied，即係要馬主簽紙承擔至能夠入口，所以最後打了退堂鼓，結果落入馬主王手中，係咪有所值將來才有分曉，但一出力撼「寶樹勁盈」，起碼可以有個美夢了。
雖然呢個餅有好多人想分，但係無一定馬圈網絡同人際關係，唔係咁容易長期搵到大茶飯，最佩服係曾經由馬會保送英倫學藝之 Willie，兩三下手勢便大把捧場客，抵人地發達。